O alumnado de 1º Educación Primaria mostran as súas inquedanzas sobre as vacas, en especial, as vacas cachenas, animal autóctono de Galicia que van investigar a fondo neste curso.
EXPOSICIÓN ANIMAIS NOS DEPORTES
O alumnado de 4º Primaria elaborou diferentes murais despois de investigar sobre os deportes que existen no mundo no que participan diferentes animais. Para esta fase de investigación buscaron na internet e nas fontes de información dispoñibles na biblioteca. Compartiron os seus traballos na clase de Educación Física onde xurdiron diferentes debates e expuseron os seus traballos na entrada á biblioteca.
MATES CO XOGO XIGANTE DA OCA
O alumnado de 5º Infantil emprega o xogo xigante da Oca para iniciarse no coñecemento dos números xogando, a mellor maneira de aprender.
ARTS ANIMALS EN LINGUA INGLESA
O alumnado de 1º, 2º e 3º na área de Arts debuxaron animais coa axuda das súas mans. Para elo, primeiro investigaron na rede, logo exploraron coas mans a creación de novos animais e xogaron en inglés a adiviñar de que animal se trataba. A continuación elixiron os seus desexos. Segundo era o desexo ás veces precisábase a axuda dos compañeiros e compañeiras. Velaquí os resultados.
POEMAS DE "A LO BESTIA" POLO DÍA DA POESÍA
O alumnado de 4º Primaria escolleu dous poemas do libro de Mar Benegas "A lo bestia" para recitar na radio polo Día da Poesía. Prepararon o recital na área de Lingua Castelá e logo de memorizalos foron en grupos de 4 a gravar os versos no estudio de radio. Podes escoitalos na nosa canle de RADIO V.I. no programa POESÍA:
TRABALLO DE INVESTIGACIÓN DE 3º ED. PRIMARIA: MULLERES CIENTÍFICAS ESPECIALISTAS NA INVESTIGACIÓN DE ANIMAIS
O alumnado de 3º B de Educación Primaria elaborou un documento coa aplicación CANVA sobre Mulleres Científicas, especialistas na investigación de animais.
Primeiro buscaron información nos libros do expositor que o Equipo de Biblioteca fixo polo Día Internacional da nena e a muller na Ciencia (11 de Febreiro). Tamén investigaron na internet para completar o seu traballo final e coas tablets elaboraron por equipos el documento. Cada equipo investigou unha muller diferente: Angeles Alvariño, Jane Goodall, Phoebe Snetsinger e Dian Fossey.
Preme no seguinte enlace para ver a tarefa final:
https://drive.google.com/file/d/1EloZ36XTvC5XWKN3xSDH89TEIbUPZouA/view?usp=sharing
ENTROIDO DE ANIMALARDIA
Presentamos o vídeo do Entroido celebrado neste curso 2021-2022 no noso colexio. A temática dos disfraces están relacionados con este proxecto e temos que dar as grazas ás familias de Educación Infantil que disfrazaron aos seus peques de "animais de conto". Esperamos que disfrutedes do desfile que fixemos no patio, os bailes e as comparsas.
ANIMAIS DOS OCÉANOS EN 6ºB
LECTOESCRITURA NOMES DE ANIMAIS EN ED. INTANTIL
Os nenos e nenas de Ed. Infantil estiveron nos ordenadores coa profe Dori aprendendo nomes de animais. Como lles gusta aprender na sala de informática!
NOVOS FONDOS PARA O PDI
Seguimos ampliando o número de fondos bibliográficos para investigar e selecionar información para o noso PDI Animalardia. Desta vez, incluímos no noso catálogo estas dúas guías doadas polo grupo SEO Birdlife que como todos os anos viñeron ao cole a dar unhas charlas informativas ao alumnado de 5º e 6º de Educación Primaria e logo facer a saída de campo para o avistamento das aves.
ACUARIO DE LINGUA INGLESA
O alumnado de 5º e 6º de Educación Primaria elaboraron este Acuario-Mural na área de Lingua Inglesa. Nel atoparedes unha chea de animais mariños e os seus nomes en inglés. Tamén decoraron as paredes dos corredores e das escaleiras. Preme na imaxe para ver a galería de fotos.
INVESTIGAR É UN XOGO
O alumnado de 3ºA estivo investigando sobre os animais invertebrados na biblioteca. Buscaron pola biblioteca códigos QR agochados nos sofás, nos expositores... e despois de atopalos foron escaneando cada pista ata atopar a información que precisaban. Logo terán que respostar a algunhas preguntas...
PRESENTACIÓN DO LOGO DE ANIMALARDIA
Tras moito debatir no Equipo de Biblioteca, decidimos escoller dous debuxos dos participantes no Certame para crear un único logo combinando ambas creacións: o debuxo do caracol elaborado por Maruxa de 2º de Educación Primaria e as letras deseñadas polo alumno Miguel de 6ºA de Educación Primaria.
Moitas grazas a todos e todas por participar. Aquí vos deixamos o resultado final do Logo: