ENTROIDO DE ANIMALARDIA

 Presentamos o vídeo do Entroido celebrado neste curso 2021-2022 no noso colexio. A temática dos disfraces están relacionados con este proxecto e temos que dar as grazas ás familias de Educación Infantil que disfrazaron aos seus peques de "animais de conto". Esperamos que disfrutedes do desfile que fixemos no patio, os bailes e as comparsas. 

PREME NA IMAXE PARA VER O VÍDEO ^

ÁLBUM DE FOTOS ^

PRESENTACIÓN DO LOGO DE ANIMALARDIA

Tras moito debatir no Equipo de Biblioteca, decidimos escoller dous debuxos dos participantes no Certame para crear un único logo combinando ambas creacións: o debuxo do caracol elaborado por Maruxa de 2º de Educación Primaria e as letras deseñadas polo alumno Miguel de 6ºA de Educación Primaria. 

Moitas grazas a todos e todas por participar. Aquí vos deixamos o resultado final do Logo:

ANIMAIS DA PAZ

 

Todo o alumnado de Infantil e Primaria participou na elaboración deste mural polo Día da Paz e a non violencia. Para iso o Equipo de Biblioteca pediulle a cada nivel que decoraran animais que simbolizan a paz : pombas (Infantil), vaca (1º e 2º), dragón (3º e 4º) e a grúa (5º e 6º). Os axudantes de biblioteca estiveron investigando sobre estes animais e a súa relación coa paz e o plasmaron nos pergaminos que fixeron para o mural. Ademais de decorar os debuxos dos animais, algúns cursos atrevéronse a facer origami e construiron grúas de papel de varios tamaños. 

Preme na imaxe para ver todo o proceso de elaboración.

MOITOS LOGOS PARA O PDI, CAL SERÁ O ESCOLLIDO?

 

Galería de fotos premendo na imaxe

O alumnado de Infantil e Primaria participou no certame de debuxo do Logo do Proxecto con moito esforzo e entusiasmo. Todos queren que o seu Logo sexa o escollido, pero realmente nolo puxeron moi difícil aos mestres, que agora temos de deliberar cal será o que represente o noso proxecto de AnimalArdia. En breve, publicaremos o gañador.

ANIMAIS DE CABAZA POLO SAMAÍN

 Como todos os anos a implicación das familias nas actividades do centro e deste proxecto favorece o seu crecemento. Este ano o Equipo de Actividades Extraescolares e Complementarias, encargados destas festividades, propuxeron ás familias que nos enviaran imaxes das cabazas que realizaron cos seus fillos e fillas na casa decoradas en relación ao proxecto. Preme na imaxe para ver todo o álbum de fotos.

Fixéchedes unhas cabazas espectaculares! Moitas grazas familias!

DESEÑA O LOGO DO PROXECTO

 O Equipo de biblioteca convoca un novo certame de debuxo. Esta vez o reto é a elaboración dun logo para este proxecto na que anima a todo o alumnado a participar.

PRESÉNTANOS A TÚA MASCOTA

 Polo Día das Bibliotecas, dúas axudantas de 6º de Primaria presentaron á Comunidade Educativa os recunchos actuais da nosa biblioteca e a temática deste proxecto animando ás familias a participar nunha primeira actividade: "Preséntanos a túa mascota"

A actividade consiste en que as familias envíen ao noso correo electrónico (biblio@vinclan.com) unha foto das mascotas ou animais domésticos que teñan nas casas, que nolas presenten e nos expliquen os principais coidados que precisan.

Coas fotos que recibamos, o equipo de axudantes de 6º elaborará un libro dixital que publicaremos neste blog. Xa empezamos a recibir as primeiras fotos e esperamos recibir moitas máis. Grazas familias!