A mestra de Audición e Linguaxe preparou este xogo para os seus alumnos co que aprenden as cores relacionadas cun animal grazas as imaxes e aos pictogramas.
CREACIÓN DE XOGO DE ADIVIÑAS PARA ESCORNABOT
O alumnado de 4º Primaria elaborou tarxetas con adiviñas na área de lingua castelán e despois fixeron debuxos para crear a plantilla para xogar co escornabot. O xogo xa está dispoñible para todo o centro no espazo creativo da nosa biblioteca.
Nos perdas a oportunidade de xogar e pídeo nos tempos de lecer.
NOVOS FONDOS BIBLIOGRÁFICOS EN LINGUA INGLESA
Mercamos unha colección de libros en lingua inglesa para as vosas investigación do Proxecto. En breve chegarán as vosas biblioteca de aula.
QUE SABEMOS E QUE QUEREMOS SABER? EN 4º INFANTIL
Os máis pequerrechos do cole están preocupados porque non atopan ao lobo por ningures así comezan a súa participación en ANIMALARDIA na procura del.
Preme na imaxe para ver todo o dossier do inicio da súa investigación
ANIMAIS MONSTRUOSOS POLO HALLOWEEN EN 6º PRIMARIA
Alumnado de 6º de Ed. Primaria realizou redaccións pola celebración do Halloween na área de Lingua Inglesa onde algúns inventaron animais monstruosos.
TRABALLOS EN LINGUA INGLESA - 5º PRIMARIA
Alumnado de 5º de Ed. Primaria investigaron na área de Lingua Inglesa sobre o Ciclo da vida das bolboretas. Aquí tedes o resultado.
ANIMAIS DE CABAZA POLO SAMAÍN
Como todos os anos a implicación das familias nas actividades do centro e deste proxecto favorece o seu crecemento. Este ano o Equipo de Actividades Extraescolares e Complementarias, encargados destas festividades, propuxeron ás familias que nos enviaran imaxes das cabazas que realizaron cos seus fillos e fillas na casa decoradas en relación ao proxecto. Preme na imaxe para ver todo o álbum de fotos.
Fixéchedes unhas cabazas espectaculares! Moitas grazas familias!
DESEÑA O LOGO DO PROXECTO
O Equipo de biblioteca convoca un novo certame de debuxo. Esta vez o reto é a elaboración dun logo para este proxecto na que anima a todo o alumnado a participar.
QUEN VIVE AQUÍ?
O alumnado axudante de biblioteca fixo este mural con solapas polo Samaín. Nela atoparás animais que se consideran terroríficos, aínda que non o son tanto como poden parecer...
Abrindo a porta e as xanelas descubrirás quen vive nesta casa encantada e aprenderás os seus nomes en castelán, galego e inglés.
Quen é o valente ou a valente que se atreve a descubrilo?
Pódela atopar aínda na parede da saída ao patio principal.
Preme na imaxe para ver máis fotos
EDUCACIÓN INFANTIL APRENDE XOGANDO
Os alumnos e alumnas de Educación Infantil están aprendendo unha chea de cousas sobre os animais. Na sala de Informática estiveron manexando o rato e o teclado dos ordenadores para escoitar os sons dos diferentes animais que aparecen no xogo EL BUHO BOO. Tamén poden ver vídeos e incluso crear música. Encántalles este xogo!
CREACIÓN DE ANUNCIOS
O alumnado de 4º de Educación Primaria estivo creando anuncios relacionados cos animais. Primeiro investigaron os elementos que teñen que ter os anuncios na área de Lingua Castelán, despois en grupos reducidos pensaron e diseñaron a temática e o eslogan do seu anuncio. Elaboraron ilustracións e completaron o anuncio coa información pertinente. Finalmente presentaron aos compañeiros de clase os seus anuncios, a maioría deles sobre protectoras de animais e actividades en favor do coidado dos animais.
Subscribirse a:
Publicacións (Atom)