A mestra de Pedagogía Terapeútica envíanos estas fotos co seu alumnado co xogo "Los Animales" de Montessori, un dos moitos recursos que mercamos este curso para o proxecto. Con esta actividade o alumno adquire novo vocabulario relacionado cos animais, profundiza no coñecemento relativo á clasificación zoolóxica, adquire información relativa ó hábitat natural de cada un e mellora a competencia de recoñecemento de letras de distintas palabras.
Cando os mestres de 1º e 2º de Primaria escolleron dentro do Proxecto a temática dos animais autóctonos non dubidamos en mercar este xogo de "memory" para o seu proxecto dende o Equipo de Biblioteca. Hoxe nos mandan unhas fotos do éxito do xogo nos tempos de lecer.
A mestra de Audición e Linguaxe segue traballando a conciencia silábica e fonolóxica, articulando e ampliando vocabulario con imaxes de animais. Sen dúbida a mellor maneira de aprender é xogando.
Na entrada ás aulas de 6ºB de Educación Infantil podemos ver unha exposición de murais de diferentes animais. Preme na imaxe para ver a galería de fotos.
Podedes ver todo o proceso de investigación no seguinte documento.
O alumnado de 5º e 6º de Educación Primaria ambientaron o corredor de acceso as súas aulas cun acuario xigante realizado con material de refugallo. Podemos atopar cigalas, polbos, caramuxos, medusas... unha chea de bichiños mariños.
O alumnado de 3ºB Primaria está a empregar para o proxecto uns xogos de cartas onde aprenden unha chea de datos sobre os animais. Desta vez, capturamos esta imaxe nun deses momentos no que están xogando cos pesos dos animais. Por quendas van sacando as cartas e o neno/a que teña o peso do animal máis alto é o gañador. A imaxinación para inventar novas modalidades de xogo é infinita.
A especialista de Audición e Linguaxe animou a un dos seus alumnos a elaborar un cómic onde os protagonistas son animais, traballando deste xeito a expresión oral, escrita e a creatividade inventando os diálogos.
