O alumnado de 4º Infantil comezou a coñecer as letras empregando as figuriñas de animais que teñen na clase e asociando cada animal coa letra inicial do seu nome.
Amosando publicacións ordenadas por relevancia para a consulta 4º INFANTIL. Ordenar por data Amosar todas as mensaxes
Amosando publicacións ordenadas por relevancia para a consulta 4º INFANTIL. Ordenar por data Amosar todas as mensaxes
XA SOMOS EXPERTOS EN CLASIFICAR OS ANIMAIS EN 4º INFANTIL
En 4º de Ed. Infantil xa son uns expertos clasificando os animais. Teñen plumas, teñen pelo, teñen patas, teñen peteiro...? Menuda colección de mamíferos atoparon entre tanta fotografía!
TAREFA FINAL 4º INFANTIL
Para rematar o curso, o alumnado de 4º de Ed. Infantil elaborou un xogo de mesa similar ao xogo da oca pero cos animais que investigaron ó longo do curso: o lobo, o pingüín, o oso e a abella. Logo de colorear todas as casillas levárono para as súas casas e así poder xogar coa familia no verán.
QUE SABEMOS E QUE QUEREMOS SABER? EN 4º INFANTIL
Os máis pequerrechos do cole están preocupados porque non atopan ao lobo por ningures así comezan a súa participación en ANIMALARDIA na procura del.
Preme na imaxe para ver todo o dossier do inicio da súa investigación
A CASA DAS ABELLAS en 4º INFANTIL
4º INFANTIL INVESTIGA OS INSECTOS
Na clase de 3 anos comezaron a investigar o mundo dos insectos. Proximamente farán a visita a APÍPOLIS e por iso comezaron esta semana co conto de La abeja Teresa e logo de escoitar o conto debuxaron cada un a súa particular abella. Tamén quedaron abraiados co libro dos Bichos Asquerosos que levaron prestado da biblioteca: un libro con moitos bichos e unha lupa para velos mellor.
ANIMAIS DO INVERNO PARA INVESTIGAR EN 4º INFANTIL
O alumnado de 3 anos á volta das vacacións de Nadal e comezado o inverno, continuaron a súa investigación do lobo, neste caso o lobo polar e outros animais de frío e os lugares nos que viven.
Fixeron puzzles e crebacabezas destes animais e as súas pegadas, xogaron con xogos de mesa de asociar animais e leron unha chea de contos de pingüíns.
Logo de buscar na rede animais polares, viron vídeos e colocaron cada animal nun mapa do mundo no lugar correspondente.
Tamén fixeron xogos co Bee-Bot en busca de animais polares e para rematar descubriron a bóla do mundo iluminada, que algúns nunca viran na súa vida, para atopar e localizar nel o habitat destes animais.
Preme na imaxe para ver a Galería de fotos
ANIMAIS DA PAZ
Todo o alumnado de Infantil e Primaria participou na elaboración deste mural polo Día da Paz e a non violencia. Para iso o Equipo de Biblioteca pediulle a cada nivel que decoraran animais que simbolizan a paz : pombas (Infantil), vaca (1º e 2º), dragón (3º e 4º) e a grúa (5º e 6º). Os axudantes de biblioteca estiveron investigando sobre estes animais e a súa relación coa paz e o plasmaron nos pergaminos que fixeron para o mural. Ademais de decorar os debuxos dos animais, algúns cursos atrevéronse a facer origami e construiron grúas de papel de varios tamaños.
Preme na imaxe para ver todo o proceso de elaboración.
PDI AnimalArdia. Comezamos!
A finais do curso pasado realizamos enquisas ao noso alumnado para saber as súas inquedanzas e que lles gustaría investigar no curso 2021-2022. Con maioría aplastante o tema máis escollido foi o de os animais, así naceu ANIMALARDIA, un proxecto para indagar, seleccionar a información, e sobre todo crear os nosos propios documentais de animais. Dentro deste gran proxecto fixemos un pequeno reparto de temas para comezar a 1ª fase do proxecto:
Que sabemos e que queremos saber?
Educación Infantil: Animais de conto
1º e 2º de Primaria: Animais autóctonos de Galicia
3º Primaria: Animais da costa
4º Primaria: Animais domésticos e da granxa
5º e 6º Primaria: Animais dos oceános
CONTACONTOS "LAS DIEZ GALLINAS"
E seguimos compartindo actividades que se fixeron nos últimos días de Xuño. Nesta ocasión a profe Dori volveulles a contar aos nenos de 4º de Infantil o conto "Las diez gallinas"e o Equipo de Biblioteca quedamos abraiados da capacidade de memoria que teñen estes pequenos e pequenas. Sabían o conto de pé a pa. Como o disfrutaron!
Subscribirse a:
Publicacións (Atom)