CONTOS CON PICTOS EN AL

 A mestra de AL empregou nestes días algúns dos materiais que mercamos coa partida de Biblioteca Inclusiva: destacar dentro do Proxecto Animalardia os contos de "La ratita presumida" e "A que sabe a Lúa" (ambos da editorial Kalandraka- BATA)

 

No conto de "La ratita presumida" se empregaron as fichas de pictos previamente para que adiviñar o título do conto que ían ler. Despois de lelo, ordenaron os pictos seguindo as escenas do conto

 

O conto "A que sabe a Lúa?" resultou unha actividade manipulativa, na que despois da lectura os nenos colocaron os animais por orde segundo a historia e para rematar pintaron a Lúa en poliespan.

CONCIENCIA SILÁBICA CON IMAXES DE ANIMAIS en AL

 A mestra de Audición e Linguaxe segue traballando a conciencia silábica e fonolóxica,  articulando e ampliando vocabulario con imaxes de animais. Sen dúbida a mellor maneira de aprender é xogando.

CREACIÓN DE CÓMICS EN AL

 A especialista de Audición e Linguaxe animou a un dos seus alumnos a elaborar un cómic onde os protagonistas son animais, traballando deste xeito a expresión oral, escrita e a creatividade inventando os diálogos.

APRENDO AS CORES DOS ANIMAIS EN AL

 A mestra de Audición e Linguaxe preparou este xogo para os seus alumnos co que aprenden as cores relacionadas cun animal grazas as imaxes e aos pictogramas.

XOGO DA OCA EN AL

 

Na aula da especialista de Audición e Linguaxe, tamén empregan o xogo da oca de sinfones ao mesmo tempo que se traballa o vocabulario e a articulación.

CONTO DOS TRES PORQUIÑOS EN AL

 

Na clase da especialista de Audición e Linguaxe empregan o conto manipulativo dos Tres Porquiños para traballar a memoria, a atención, a expresión oral e as praxias do soplo para mellorar a articulación cunha metodoloxía activa e amena para o alumnado.